ҚР-да жеңілдетілген автонесие қаржысының 80 пайызы игерілді
23 Қараша, 2015 13:26
ҚР-да жеңілдетілген автонесие қаржысының 80 пайызы игерілді .Бұл туралы бүгін ҚР Президенті жанындағы ОКҚ өткен брифингте «ҚазАвтоПром» АҚ басқарма төрағасының орынбасары Дәулет Бақберген мәлім етті.
«Бүгінгі таңда игеру үрдісі 80 пайыздан сәл кем. Мәселен, «Азия Авто» компаниясы лимитті 100 пайызға жұмыстың алғашқы айында-ақ жеткізді. Бүгінгі таңда ол 30 пайызға да жетіп қалды», - деді ол.
«Қазақстан автомобиль өнеркәсібінің құрылғанына биыл 12 жыл толып отыр. Осы уақыт ішінде республикамыздың аумағында жеңіл автомобиль, жүк және автобус теxникасын шығаратын бес өндірістік алаң құрылды. Қазіргі таңда олардың өнімдері отандық тұтынушылардың сенімінен шығып отыр», - деді ол өз сөзінде.
Сондай-ақ Дәулет Бақберген отандық автоиндустрия өкілдері қазақстандық экономиканы Еуразиялық одаққа және Дүниежүзілік сауда ұйымына интеграциялау үшін жаңа талаптар дайындап жатқандығын xабарлады.
