23 Қараша, 2015 13:19
Қазақстанда қайта жөндеу 2,2 мың шақырым жолды қамтылды
Қазақстанда қайта жөндеу 2,2 мың шақырым жолды қамтылды, деді Үкіметтің селекторлық отырысында Инвестициялар және даму министрі Әсет Исекешев.
«Осы жылы республикалық маңыздағы автомобиль жолдарын дамытуға 302,2 млрд теңге бөлінді. Аталмыш қаржы бойынша «Нұрлы жол» аясында 8 автожол жобасы жүзеге асырылуда», - деді министр.
Жөндеу жұмыстары 2,2 мың шақырым автожолдарды қамтыды, құрылыс жұмыстарының 98 пайызы орындалды. Министрдің айтуынша, жылдың соңында барлық қаржыны игеру көзделген.
Айта кетейік, бүгінгі таңда елде автожол саласында 16 жоба жүзеге асырылуда.
Индира Кауметова
