• Басты
  • Нұрлан Қаппаров «жасыл» экономика мен ЖЭК тәжірибесінің Еуропа елдерінде дамуымен танысты
5 Қараша, 2013 19:30

Нұрлан Қаппаров «жасыл» экономика мен ЖЭК тәжірибесінің Еуропа елдерінде дамуымен танысты

29 қазаннан 1 қарашаға дейін энергияның баламалы көзін жаңарту тәжірибесі жөнінен ҚР Қоршаған орта және су ресурстарының министрі Нұрлан Қаппаров Еуропа еліне жұмыс сапарымен барды, деп Қоршаған ортаны қорғау және су ресурстары министрлігінің баспасөз қызметі хабарлады.
Нұрлан Қаппаров «жасыл» экономика мен  ЖЭК тәжірибесінің Еуропа елдерінде дамуымен танысты

Берлинде ГРФ қоршаған ортаны қорғау мен ядролық қауіпсіздік министрлігі, «Clarion» консалтингтік компанияның кездесуі өтті. Тараптар ЖЭК тәжірибесінің Еуропа елдеріндегі 20 жылдық даму көрсеткішін талқылады.

«Гермнияның тиімді тәжірибесі ЖЭК үлесін 15 пайызға жеткізді. Оған қоса, ЖЭК жеке баспаналарда қолдануды жүзеге асырды», - деп хабарламада нақтыланған.

Сондай-ақ, қазақстандық делегат 75 МВт қуаттылығын құрайтын желэнергия  саябағына барды.

Ал Мадридте делегат Испанияның индустрия және туризм, сауда министрлігінің өкілдерімен кездесті.

«Испанияда соңғы 10 жылда күн энергиясын дамыту бойынша айтарлықтай нәтижеге қол жеткізілген. Осыған қарамастан елде бірқатар қиындықтар да жоқ емес. Бұл бірінші кезекте жоспарлау жүйесіндегі кемшіліктер мен сала дамуының нақты индикаторының жоқтығынан. Баламалы қуат көздері объектілерінің шамадан тыс қолданысқа берілуі және дәстүрлі қуат көздерінің де қолданыста болуы бұлардың тоқтап қалуына жол ашты. Басты себеп электр энергиясына сұраныстың төмендігі. Сонымен баламалы қуат көздері секторы тариф бағасының көтерілуін реттейтін энергия көздерін сатып алудың басым бағыттарын іске қосу ақырында соңғы тұтынушыларға қымбат бағамен жетуге себеп болады», - делінген хабарламада.

Өз кезегінде қауымдастық өкілдері ЖЭК қолдануда қазақстандық әріптестермен техникалық тәжірбие алмасуға дайын екендіктерін білдірді.

Копенгагенде қазақстандық делегация «State of Green» қоры, «Danfoss», «Ramboll», «Vestas» компаниялары басшылығымен кездесті.

 

 

 

Барлық жаңалықтар