ҚР-ның автоөндірушілері бірлесіп салаға шетелдік инвестициялар тартады

Естеріңізге сала кетейік, бұған дейін ағымдағы жылдың қазан айында салалық одақ құрылатыны туралы белгілі болды.  Отандық автоиндустрияның ірі қатысушысы Қазақстанның автомобиль саласы кәсіпорындары одағының құрылтайшысы атанды. Ал, Одақты құруға қазақстандық кәсіпорындар ұйытқы болды, олардың отандық автоиндустриясындағы өндірісі үлесі 74%-дан асады. Олардың қатарында «Азия Авто», «Бипэк Авто Қазақстанн», «Daewoo Bus Kazakhstan» бар.

Сонымен, Қазақстанның автоөндірушілері негізгі бес бағыт бойынша бой түземекші. Солардың бірі шетелдік инвестициялар тарту.  

«Жеке компанияның шетелдік компаниямен келіссөз жүргізуі өте қиын және табысқа келіссөздерді кең форматта жүргізу барысында қол жеткізуге болады.  Біз әлеуетті инвесторға отандық өндірістік болашағы зор жобаларының кең ауқымын ұсынатын боламыз», - деді Д.Бақберген.

Сонымен қатар, «ҚазАвтоӨндіріс» отандық кәсіпорындар мен ілкімді жобалар арасында үйлестіру жұмыстарын жүргізуді жоспарлауда.

Тағы бір бағыттың бірі отандық өндірушілердің мүддесін ішкі нарықта, Еуразиялық экономикалық одақ пен Дүниежүзілік сауда ұйымының алаңында  қорғау.

«Қазақстандық автоөндіріске халықаралық құрылымда өз орнын табу оңайға соқпайды. Алайда біз оған дайныбыз. Төртінші бағыт- бірлескен зерттеулер мен зерттемелер, инновациялық шешімдер табу», - деп толықтырды ол

Оның үстіне Дәулет Бақберген атап өткендей, «ҚазАвтоӨндіріс» саланың проблемалары, болашағы туралы түрлі талдамаларды шарыққа шығарып тұрады.  

«Салалық бірлестіктің пайда болуы – ол заңдылық, автомобиль индустриясына жасалған тағы бір қадам. Халықаралық тәжірибе көрсетіп отырғандай, бірлестікті құру тұрақты инвестициялық климатты құруға, тиімді нормативті-қүұқықтық базаны жасақтауға және инновацияларды енгізуге мүмкіндік береді», - деп түйді Д.Бақберген.