БЖК жобалары үшін инфрақұрылымдар аясында 6,8 млрд теңге немесе бюджет қаржысының 68% игерілді

23 Қараша, 2015 12:38

БЖК жобалары үшін инфрақұрылымдарды жүргізу аясында бөлінген қаржының 6,8 млрд теңгесі немесе бюджет қаржысының 68% игерілді, деп хабарлады ұлттық экономика министрі Ерболат Досаев ҚР Премьер-Министрі Кәрім Мәсімовтың төрағалығымен селекторлық режимде өтіп жатқан кезекті отырыста.

«Бизнестің жол картасы – 2020» жобалары үшін инфрақұрылымдарды жүргізу үшін 9,8 млрд теңге бөлінді, оның ішінде 5,4 млрд теңгесі 8 индустриалды аймақтарды қаржыландыруға, 4,4 млрд теңге кәсіпкерлердің жеке 40 жобасын қаржыландыруға қарастырылды. Бүгінде бюджет қаржысының 6,8 млрд теңгесі немесе 68% игерілді», - деп мәлімдеді министр.

ҚР ҰЭМ басшысы атап өткендей, байқаулардың кешіктіріліп өтуіне байланысты ШҚО-да бюджет қаржысының басым бөлігі игерілмеді немесе 95% құрады, ал Жамбыл облысында 24%, ОҚО-да 22% бюджет қаржысы игерілмеді.

Өзге аймақтарда бюджет қаржысының игерілуі 93%-дан кем емес деңгейде болды. Нақтыланған бюджетті есепке ала отырып, жыл соңына дейін ШҚО-да 1,2 млрд теңге, ОҚО-да 1,3 млрд теңге, Атырау облысында 271,5 млн теңге, Жамбыл облысында 134 млн теңге, Қарағанды облысында 42 млн теңге, жалпы алғанда 3 млрд теңге бюджет қаржысы игерілуі тиіс.

Индира Кауметова

Барлық жаңалықтар