• Басты
  • ҚР-да жыл соңына дейін 929 мың шаршы метр тұрғын үй пайдалануға беріледі – Бішімбаев
23 Қараша, 2015 12:18

ҚР-да жыл соңына дейін 929 мың шаршы метр тұрғын үй пайдалануға беріледі – Бішімбаев

2015 жылы 929 мың шаршы метр тұрғын үй пайдалануға беріледі, деп хабарлады «Бәйтерек»БХ»АҚ басқарма төрағасы Қуандық Бишімбаев ҚР Премьер-Министрі Кәрім Мәсімовтың төрағалығымен селекторлық режимде өтіп жатқан кезекті отырыста.
ҚР-да жыл соңына дейін 929 мың шаршы метр тұрғын үй пайдалануға беріледі – Бішімбаев

«Бәйтерек»ҰБХ» АҚ мәліметі бойынша, қазіргі таңда жалпы алаңы 665 мың шаршы метр немесе 11638 пәтердің құрылысы мен сатып алуға келісімдер жасалды.

«2015 жылдың жоспары – 400 мың шаршы метрді немесе 7 мыңнан кем емес пәтерді пайдалануға беру. Жыл соңына дейін 20 млрд теңге игерілетін болады, жалпы игерілген қаржы сомасы шамамен 75 млрд теңгені құрайтын болады.  Бұл қаржыға 422 мың шаршы метр тұрғын үй пайдалануға беріледі, осылайша 2015 жылдың жоспары 6%-ға артығымен орындалады.  Ал, жалпы тапсырылатын пәтерлер саны - 7 136», - деді Қ.Бишімбаев.

Қалған 17,5 млрд теңге 2016 жылдың бірінші тоқсанында игеріледі. Бірінші тоқсанда 244 шаршы метр пайдаланылуға беріледі.

«Жалпы, біздің бағыт бойынша тұрғын үйдің бір шаршы метрі 123 мың теңгені құрайды. Осылайша жалға берілетін баспаналар халықтың кең ауқымына қолжетімді болады. Болашақта сатып алу құқығы бар жалға берілетін баспаналардың бір шаршы метрі орташа есеппен 950 теңге», - деп атап өтті Қ.Бишімбаев.

«Бәйтерек»БХ»АҚ басқарма төрағасы атап өткендей, ағымдағы жылы «Тұрғын үй құрылыс жинақ банкі»АҚ желісі бойынша 507 мың шаршы метр үйдің құрылысы аяқталды.  

«Ағымдағы жылы 929 мың шаршы метр пайдаланылуға беріледі. Құрылыс барысындағы қазақстандық қамту үлесі 80%-дан кем емес. Ұлттық валюта бағамындағы өзгерістер құрылысы мерзіміне еш әсер еткен жоқ. Құрылыс барысында шамамен 21 мың жұмыс орны ашылды», - деп түйді ол. 

Барлық жаңалықтар