Елордалық әуежай құрылысының барысында 12,5 млрд теңге игерілді – ҚР ҰЭМ
23 Қараша, 2015 11:56
Астана қаласы әуежайының құрылысы үшін «Самұрық-Қазынадан» бөлінген 29 млрд теңгенің 12,5 млрд теңгесі игерілді, деп хабарлады ұлттық экономика министрі Ерболат Досаев ҚР Премьер-Министрі Кәрім Мәсімовтың төрағалығымен селекторлық режимде өтіп жатқан кезекті отырыста.
«Астана қаласы әуежайының құрылысы жобасы үшін «Самұрық-Қазынадан» бөлінген 29 млрд теңгенің 12,5 млрд теңгесі игерілді. Алматы-Шу теміржол желісі жобасы бойынша бөлінген 8,3 млрд теңгенің 4,1 млрд теңгесі игерілді (49 %). Боржақты – Ерсай теміржол женлісі құрылысы жобасы бойынша бөлінген 6,7 млрд теңгенің 5,7 млрд теңгесі (85 %) игерілді», - деді министр.
ҚР ҰЭМ айтуынша, жоғарыда аталған жобалар бойынша «Самұрық-Қазына»ҰӘҚ»АҚ-ның еншілес компаниялары жыл соңына дейін 14,8 млрд теңгені игеруі тиіс және 2016 жылдың бірінші тоқсанында әуежайдың құрылысы бойынша 9 млрд теңгені игеруге міндетті.
Индира Кауметова
