«Нұрлы жол» бағдарламасын жүзеге асыру аясында бюджеттік қаржының 78%-ы игерілді
23 Қараша, 2015 11:47
«Нұрлы жол» аясында «Көліктік-логистикалық инфрақұрылымды дамыту» бағыты бойынша 178 млрд теңге бөлінген қаржы 2015 жылдың 1 қарашасына сәйкес, 138 млрд теңгесі немесе 78 пайызы игерілді, деді Ұлттық экономика министрі Ерболат Досаев ҚР Премьер-Министрі Кәрім Мәсімовтың төрағалығымен өтіп жатқан Үкіметтің селекторлық отырысында.
««Көліктік-логистикалық инфрақұрылымды дамыту» бағыты бойынша 15 жоба жүзеге асырылуда, автомобиль жолдары саласында – 11 жоба, темір жол саласында – 2, су және әуе көлігі-2 жоба асырылуда. Негізгі «Нұрлы жол-Оңтүстік», «Нұрлы жол-Шығыс», «Нұрлы жол – Батыс» бағыт пен өзге республикалық автожолдардың жөнделуіне бөлінген 178 млрд теңгенің 138 млрд теңгесі немесе 78 пайызы 2015 жылдың 1 қарашасында игерілді. 390 шақырым жол жөнделді», - деді министр.
Сондай-ақ, ҚР Инвестициялар және даму министрлігіне жыл соңына дейін 40 млрд теңгені игеру мақсаты тұр.
Индира Кауметова
