Таразда 40-тан астам отбасы пәтерге ие болды
24 Қараша, 2015 09:21
Таразда «Өңірлерді дамытудың-2020» бағдарламасын жүзеге асыру мақсатында салынған үйлердің құрылысы аяқталып, пайдалануға берілуде, деп хабарлады облыс әкімдігі.
Көп жылдан бері құрылысы тоқтап тұрған «Атшабар»тұрғын үйдің кешенінің құрылысын «Қазақстан ипотекалық компаниясы» Ипотекалық ұйымы» АҚ-ы жүргізген. Тұрғын үй 210 пәтерлі , 1 шаршы метрінің бағасы 923 теңге. Бағдарлама негізінде мемлекет әлеуметтік жалдамалы баспананы салып, оны тұрғындарға сатып алу құқын бере отырып, ұзақ мерзімді жалға ұсынады. Пәтер иелері - тұрғын үй кезегінде тұрған азаматтар.
Бағдарлама бойынша құжат тапсырған азаматтар саны 100 болса , оның ішінде 22 адам банктің төлем қабілеті растауын алғандар.
Бұдан өзге облыс орталығында «Бәйтерек», «Арай», Маяковский көшелерінде тұрғын үйлер құрылысы аяқталып, таяу күндері пайдалануға берілмекші. «Арай» шағын ауданда 280 орындық балабақша ашылады.
