БЖК-2020 бағдарламасы аясында субсидиялау сыйақы төлеміне 6554 жоба ие болды
23 Қараша, 2015 10:23
«Бизнестің жол картасы-2020» бизнесті дамыту және қолдау бірыңғай бағдарламасын жүзеге асыру аясында 2015 жылдың 9 қарашасында республика бойынша субсидиялау сыйақы төлеміне 6554 жоба ие болды, оларды банктер 1286 млрд теңге көлемінде қаржыландырды, делінген «Бәйтерек» ұлттық басқару холдингі» АҚ-ның «Strategy2050.kz» АА үшін хабарламасында.
«Мемлекет 108,6 млрд теңге субсидия төледі; субсидиялаудың салалық құрылымында өңдеу өнеркәсібінің жобалары басымдылыққа ие (670,8 млрд теңгеге 2241 жоба) және көлік пен қоймалау (195,9 млрд теңгенің 1876 жобасы)», - делінген компанияда.
Несиелерді кепілдендіру бойынша 1448 жоба қолданды, олар банктермен 61,4 млрд теңгеге қаржыландырылды. Кепілдік сомасы 26,3 млрд теңге.
«Қаржыландырылған саланың ішінде басымдыққа ие өңдеу өнеркәсібі (27,9 млрд теңгенің 520 жобасы) көлік пен қоймалау (9,6 млрд теңгенің 350 жобасы)», - делінген хабарламада.
Ботагөз Айтжанова
