«Бәйтерек» холдингі 2016 жылы 4502 пәтерді пайдалануға беруді жоспарлауда

23 Қараша, 2015 09:48

Бүгінде шаршы алаңы 249,4 мың шаршы метр болатын 13 нысанның құрылысы бойынша келісімдерге қол қойылды. Ол үшін сәйкесінше байқаулар өткізіліп, құрылыс жұмыстарына бастау берілді. Тұрғын үйлер 2020 жылға дейін өңірлерді дамыту бағдарламасы аясында халық игілігіне беріледі, жалпы аталмыш бағдарламада жалға берілетін баспаналарға басымдық берілген, делінген «Бәйтерек» ұлттық басқару холдингі» АҚ-ның «Strategy2050.kz» АА үшін хабарламасында.

«2015 жылға қойылған міндет – 400 мың шаршы метр немесе шамамен 7 мың пәтермен қамтамасыз ету. 2015 жылдың қарашасындағы жағдай бойынша Астана, Алматы, Шымкент, Ақтөбе, Тараз, Қарағанды, Қостанай, Семей, Талдықорған, Павлодар, Көкшетау және Ақтау қалаларында барлығы 244,7 мың шаршы метр немесе 4229 жалға берілетін пәтер пайдаланылуға берілді. Қалған 2 872 тұрғын үй жыл соңына дейін халық игілігіне берілетін болады. Осылайша, 2015 жылдың негізгі міндеті орындалатын болады. Алғаш рет Қазақстанның тарихында мемлекеттік құрылым 400 мың шаршы метр тұрғын үймен бір жылдың ішінде қамтамасыз ете алды», - делінген ақпаратта.

Айта өтейік, келесі міндет - 2016 жылы 411 мың шаршы метр тұрғын үйді салу үшін барлық дайындық жұмыстарын жүргізу.

«Бүгінде 2016 жылы жалпы сомасы 37 млрд теңгеге шаршы алаңы 249,4 мың шаршы метр (4502 пәтер) болатын 13 нысанның құрылысы бойынша келісімдерге қол қойылды. Ол үшін сәйкесінше байқаулар өткізіліп, құрылыс жұмыстарына бастау берілді. 2020 жылға дейін өңірлерді дамыту бағдарламасы аясында 1 483 мың шаршы метрді пайдалануға беру немесе 29 отбасыны жалға берілетін баспанамен қамтамасыз ету жоспарланған», - делінген хабарламада.

Ботагөз Айтжанова

Барлық жаңалықтар