Испанияда Қазақстанның инвестициялық мүмкіндігі таныстырылды
«Дөңгелек үстелге» көлік, логистика, қондырғыларды өндіру, ауыл шаруашылығын өндіру мен білім беру саласының компаниялары қатысты.
Өз баяндауында Испаниядағы ҚР елшісі Бақыт Дүйсенбаев екі ел арасындағы сауда-экономикалық қарым-қатынасының жоғарғы дәрежесін атап өтті. 2014 жылдың қорытындысы бойынша Қазақстан мен Испания арасындағы тауар айналымы 2,7 млрд долларды құрады.
Испандық компанияларға ИИДМБ жүзеге асырылуы, «Нұрлы жол» жаңа экономикалық саясаты, Ұлт жоспары «100 нақты қадам» таныстырылды.
Шарада сөз алған Испаниядағы Қазақстанның Елшісі Бақыт Дүйсенбаев 2009 жылғы Келісіммен бекітілген Қазақстан мен Испания арасындағы қатынастың стратегиялық сипатына тоқтала келіп, экономикалық саладағы ынтымақтастықты дамыту екіжақты қатынастың басымдылық беретін тұсы екенін айтты.
Қазақстандық дипломат испан компаниялары мен инвесторларын еліміздің үдемелі индустриялды-инновациялық даму мемлекеттік бағдарламасы жобаларына атсалысуға шақырды.
