ОҚО-да балалар және жасөспірімдер футболы дамытылады

23 Қараша, 2015 08:56

Оңтүстік Қазақстан облысының әкімі Б.Атамқұлов «Жас қыран» лигасының құрылуы жөнінде Қазақстанның балалар және жасөспірімдер футболының лигасының атқарушы директоры Б.Есмағамбетовты қабылдады, деп хабарлады ОҚО әкімінің баспасөз қызметі.

Кездесу барысында екі жақ балалар және жасөспірімдер арасындағы футболды дамыту жөніндегі жоспарларын айтты. Аталмыш лигасының негізгі мақсаты - жарыстарда футболшылардың жеңіске ұмтылуын жетілдіріп, ауыл-аудан аралық жарыстарды ұйымдастыру. Сонымен қатар, қала және облыс аумағында өтетін спорттық жарыстарды алдағы уақытта Республика деңгейіне шығару жоспарланды.

Айта кетейік, 2015 жылдың тамыз айында "Қазақстанның Футбол Федерациясы" эгидасымен бірінші рет «Жас қыран» балалар және жасөспірімдер футболының лигасы құрылды. Ал қараша айында Шығыс Қазақстан, Маңғыстау, Қарағанды, Алматы облыстарының және Алматы қаласының құрама командалары арасында алғашқы лига чемпионаты өтті. Алдағы уақытта еліміздің барлық облыстары мен қалаларында филиалдарын ашуды жоспарлап отыр.

Барлық жаңалықтар