Қазақстанда 11 аймақ газдандырылды
20 Қараша, 2015 18:23
Бүгінде Қазақстан бойынша 14 облыстың 11 газдандырылған. Олардың басым бөлігі батыс және оңтүстік өңірлер.
Қазақстан Республикасының газ саласындағы басты басымдығы ҚР-ның жаңа аймақтарын одан ары газдандыру болып табылады.
Айта өтейік, «Алматы қаласы мен қала маңындағы аумақты газдандыру» жобасы аяқталды. Инвестиция көлемі - 17 млрд 744 млн теңгені құрады. Жоба аясында 1 226 км газ құбыры тартылды немесе санмен есептейтін болсақ - 252 дана.
Сонымен қатар ШҚО-ның Зайсан қаласындағы газдандыру жобасының бірінші кезегі аяқталды. Жалпы инвестиция көлемі 364 млн теңгені құрады және 38,1 км газ құбырының құрылысы аяқталды.
Ал, Шымкент қаласында газдандыру аясында 787 км газ құбыры тартылды.
Сонымен қатар, Тараз қаласында 293 км газқұбыры жүргізілді.
