Ж.Айтжанова: 10 жыл ішінде Қазақстанға 200 млрд доллар инвестицияланды

«Қазақстанға 2005-2015 жылдары 200 млрд доллар инвестиция құйылды», - деді ол.

Соңғы жылы Қазақстанның өзге елдермен тауар айналымы 150 млн долларды құрады. Министр атап өткендей, ЕО –ның 28 елі Қазақстанның ірі серіктесі болып есептеледі.

 «Өткен жылы  біз біржақты тәртіппен ілкі режімде елімізде барынша жоғары инвестициялық белсенділік танытқан 10 мемлекеттің азаматтарын визалық талаптан босаттық. Бұл тізімге Еуропалық одақтың 5 ірі экономикасы Ұлыбритания, Германия, Франция, Италия және Нидерланды кірді. Ағымдағы жылы тізім тағы да он мемлекетке кеңейтілді. Олардың қатарында Испания, Бельгия, Венгрия, Швеция, Финляндия сынды ЕО-ның тағы 5 елі бар», - деп толықтырды ол.

Оның айтуынша, жыл сайын Қазақстанның 100 мыңнан астам азаматы миграциялық режімді бұзбай Еуропа елдеріне саяхаттауда. Бұған қоса, Қазақстан өңірлік және халықаралық еңбек миграциясы мақсатындағы елге айналып отыр.

Оның сөзіне қарағанда, Қазақстан визалық процедураны толық алып тастауға емес, оны біршама жеңілдетуге мүдделілік танытады. Өйткені, бүгінгі таңдағы Қазақстан мен ЕО арасындағы қолданыстағы визалық режім қазіргі шындыққа жауап бере алмайды.