Денсаулық сақтау министрлігі демографиялық ахуалына айтарлықтай әсері бар 5 ауруды атады
20 Қараша, 2015 17:26
Денсаулық сақтау министрлігі демографиялық ахуалына айтарлықтай әсері бар 5 ауруды атады, деп хабарлады ҚР Президенті жанындағы ОКҚ-да Денсаулық сақтау және әлеуметтік даму министрі Тамара Дүйсенова.
«Арнайы медициналық көмек барлық денсаулық сақтау саласының қызметтерімен біріктірілетін болады. Сонымен бірге негізгі әлеуметтік маңызы бар, жұқпалы емес аурулар мен елдің демографиялық ахуалына айтарлықтай әсері бар аурулар: миокардтың жіті инфаркті, мидағы қан айналымының ауыр ауытқулары (инсульт), қатерлі ісік аурулары, сынықтар, жүктілік және босандыру бойынша іс шаралар жоспарын жасау мен жүзеге асыру қарастырылған», - деді Т.Дүйсенова.
Әрбір бағыт бойынша қызметтің барлық түрлері: алдын алу, емдеу шаралары, оның ішінде оңалту, диспансерлік бақылау, медициналық және әлеуметтік қызметтер көрсетілетін болады.
Анар Тәңірқұлова
