Ақордада мемлекеттік наградаларға ұсынылатын үміткерлер анықталды
20 Қараша, 2015 17:12
Мемлекеттік хатшы Гүлшара Әбдіқалықованың төрағалығымен Қазақстан Республикасының Президенті жанындағы Мемлекеттік наградалар жөніндегі комиссияның отырысы өтті, деп хабарлады Ақорданың баспасөз қызметі.
Комиссия отырысында мемлекеттік органдар мен қоғамдық бірлестіктерден келіп түскен Қазақстан Республикасының мемлекеттік наградаларымен марапаттау жөніндегі ұсыныстар талқыланды.
Отырыс қорытындысы бойынша Комиссия мүшелері марапаттау үшін Мемлекет басшысының қарауына ұсынылатын кандидаттарды анықтады. Мемлекеттік наградаларды тапсыру дәстүр бойынша Тәуелсіздік Күні қарсаңында өткізіледі.
Қазақстан Президенті жанындағы консультативтік-кеңесшілік орган болып саналатын комиссия Қазақстан Республикасының мемлекеттік наградаларын бекіту және жою жөніндегі ұсыныстарды, награда мәселелері жөніндегі заңдардың жобаларын және басқа да нормативтік құқықтық актілерді, марапаттау туралы ұсынымдарды және өзге де мәселелерді қарастырады.
