Қазақстан ДСҰ-ның Х министрліктер кездесуіне толыққанды мүше ретінде қатысады — ҚР СІМ
20 Қараша, 2015 16:37
Астанада ҚР Сыртқы істер министрлігінің ұйымдастыруымен Қазақстанның Дүниежүзілік сауда ұйымына енуі тақырыбымен дөңгелек үстел өз жұмысын бастады.
«Біздің еліміз 10-18 желтоқсан аралығында Найробиде өтетін ДСҰ-ның Х министрліктер кездесуіне толыққанды мүшесі ретінде қатысады, бұл терең интеграция арқылы ел экономикасының дамуына тың серпін беретін болады», — деді ҚР сыртқы істер министрінің орынбасары Алексей Волков.
Шараның мақсаты шетелдік инвесторларды елімізде олар үшін жасалынып жатқан мүмкіндіктер мен Қазақстанның ДСҰ-ға мүшелік етуінің болашағы туралы хабардар ету.
«Біз ДСҰ-ға мүшелігіміз Қазақстанның 5 институционалды реформасында көрсетілген ұлттық экономиканың, технология бойынша шетелдік инвестициялардың артуына септігін тигізетініне сенімдіміз», — деді А.Волков.
