М.Жайымбетов: Қазақстанда жылу беру маусымы жоспар бойынша жүргізілуде
20 Қараша, 2015 12:52
Қазақстанда жылу беру маусымы жоспар бойынша жүргізілуде, деді ОКҚ-да Құрылыс, тұрғын үй коммуналдық шаруашылық және жер ресурстарын басқару жөніндегі комитет төрағасы Мархабат Жайымбетов.
«Жылу беру маусымы 15 қазанда басталды, тек Оңтүстік Қазақстанда жоспар бойынша 1 қарашада басталды. Жылу беру маусымы біркелкі жүруде, біз өңірлермен байланыстамыз, күн сайын жағдайды барлап отырамыз. Тек кейбір ұсақ-түйек мәселелер бар, жел кезінде электр желілерінің ажырап кетуі сынды жұмыстарды жасаудамыз, бірақ, жалпы жылу маусымы тұрақты жүруде», - деді М.Жайымбетов.
Комитет төрағасы желілердің ескіргендігін де айтып өтті.
«Тағы бір мәселелердің бірі желілердің ескіруі. Жылу беру құбырларының 70 пайызын жаңғырту қажет, ал жалпы жұмыстар жүзеге асырылуда. Бұл жаңғырту жұмыстары аяқталған соң жұмысқа жаңа әсер береді деп олаймын», - деді ол.
Анар Тәңірқұлова
