• Басты
  • «Нұрлы жол» аясында 31 мың тұрғын үй-коммуналдық желі жаңғыртылды

«Нұрлы жол» аясында 31 мың тұрғын үй-коммуналдық желі жаңғыртылды

20 Қараша, 2015 12:21
«Нұрлы жол» аясында 31 мың тұрғын үй-коммуналдық желі жаңғыртылды, деді ОКҚ-да Құрылыс, тұрғын үй коммуналдық шаруашылық және жер ресурстарын басқару жөніндегі комитет төрағасы Мархабат Жайымбетов.

«Бағдарламаға сәйкес, барлық қаржыландыру көздері есебінен біз жоспар бойынша 31 мың шақырым желіні жаңғырту межесін орындадық. 2020 жылға дейін Мемлекет басшысының тапсырмасымен көлемді 96,6 мың шақырымға жеткізу қарастырылған», - деді М.Жайымбетов.

Осы бағдарлама бойынша сумен және жылумен қамту желілерінде жаңғырту жұмыстары жүргізілуде.

«Өңірлердегі сумен және жылу құбырлары мен кәріз желілері күрделі жөндеу жұмыстары мен толық ауыстыру шараларын қажет етіп отыр. Баға бойынша, жаңғыртудағы жалпы инвестиция қажеттілігі 2 трлн теңгені құрап отыр», - деді комитет төрағасы.

Анар Тәңірқұлова

 

 

Барлық жаңалықтар