ШҚО-да археологияны дамытудың өңірлік бағдарламасы әзірленуде
20 Қараша, 2015 11:18
Өңірде туризмді дамыту мен геомәдени брендті құру мақсатында археологияны дамытудың өңірлік бағдарламасы әзірленді, деп хабарлады ШҚО ақпараттық орталығы.
Белгілі болғандай, облыстық әкімдіктің отырысында Өскеменге отандық және шетелдік ғалымдар шақырылады, олар археологиялық ескерткіштердің насихатталуы мәселесін талқылайды.
Облыс әкімі Данияр Ахметовтың айтуынша, облыстың бірегей ескерткіштері туралы барлығы білуі тиіс.
Ол үшін аймақ басшысы археологияны дамытудың өңірлік бағдарламасын дайындауды тапсырды. Оның ішінде маңызды нысандарды инвентаризациялау, тарихи-мәдени нысандардың сақталуы мен насихатталуы қарастырылған.
