Бурабайдағы қазандық құрылысы 89 пайызға орындалды

Бурабай елді- мекені әкімінің міндетін атқарушы Самал Тұрұбаева  ауылдағы қазандықтың құрылысына байланысты өз пікірін білдірді.

«Бурабай  ауылындағы қазандық құрылысы  аяқталған жоқ, ол 226 млн теңге қаржыны қажет етіп тұр. 2117,5 млн теңге бөлінген болатын. Қазіргі таңда  2 116,5 млн игерілді. Қазандық 89 пайызға орындалды», - деді ол.

Бюджеттік өтінім құзыретті органға бағытталды.

Бүгінгі таңда қазандық нысаны салынды, 4 қазандық орнатылды. Жылу жүйелері салынып, қазандық-көмекші қондырғының монтажы жасалды.

Сондай-ақ, 1,5 км жылу жүйесін орнатып, құрылыс-монтаждық жұмыстарды жүзеге асыру қажет.