Әскери ұшқыштар заманауи тренажерда пилотаждау техникасын пысықтайды (ФОТО)

«МиГ-31 ұшағы экипажының кешенді тренажеры ұшулардың сенімділігі мен қауіпсіздігінің деңгейін арттыру мақсатында ұшу экипаждарын жерүсті даярлау үшін арналған. Ол ұшу құрамына пилотаждау, ұшақ жүргізу, жауынгерлік қолдану шеберлігін, сондай-ақ ерекше жағдайларда ұшу құрамының іс-қимылын пысықтауға мүмкіндік береді. Кез келген метеожағдайларда, жылдың кез келген мезгілінде  қыста, жазда, түнде, күндіз, кез келген күрделі жағдайда ұшқыштың тренажерда ұшып өтуі оның сыныптық біліктілігіне байланысты болады. Мәселен, 3-сыныпты ұшқыш жылына тренажерда 60 сағатқа дейін ұшып өтуі тиіс»,  - деді кешенді тренажер бастығы капитан Петр Дорогов.

Бұл кешенді тренажер авиабазаға тапсырыспен жасалып, бір данада ұсынылғанын айта кетейік.

Оқып-үйрету кезінде әскери қызметшілер шынайы ұшу жағдайында болады. Оларды пилот, штурман, диспетчерлер басқарып отырады. Онда ұшқыштың кабинасы, ұшу-қондыру жолағы, әуе мен жер бұрынғы қалпына келтірілген.   Тренажер ұшудан бастап қондыруға дейін барлық ұшуды толық елестете алады, әртүрлі ауа райы жағдайын, яғни, жауын-шашын, тұман, боран және т.б, қаз қалпына келтіреді. 

Одан басқа, онда апаттық жағдайларды қайта қалпына келтіріп, іс-әрекетті пысықтауға болады. Мысалы, ұшақтың қандай да бір жүйесінің тоқтап істемей қалуы.  Бұл ұшқыштарға сол немесе өзге жағдайда нұсқаулыққа сәйкес барлық қажетті іс-қимылдарды пысықтауға мүмкіндік береді.