ҚР-да мемқызметке үміткерлер мен бос орындар жайлы электронды база құрылды
«Жамбыл облысында еліміз бойынша тұңғыш рет орталықтандырылған кадрлық жүйе енгізілгені белгілі. Аудан және қала әкімдіктеріндегі бөлімдерде кадр қызметі және конкурстарда іріктеу міндеті әкімдіктің аппаратына жүктелген болатын. Елімізде мемлекеттік қызмет сапасын жақсартып, жүйесін жетілдіру қолға алынып отыр», - деп хабарламада нақтыланған.
Облыста орталықтандырылған кадр жүйесі құрылды. Мәселен, бұрын бос орындарға маманды мекеменің ішінде құрылған комиссия таңдайтын. Енді негізгі жұмыс әкімдік аппаратындағы комиссияға жүктеледі. Бұл бастаманы таныстырғанда мемлекеттік қызметшілер үндеместен, бірауыздан келісім берді. Биліктің бұл қадамы әділеттің үстемдік құруына сеп болады деген сенім бар. Орталықтандырылған кадр жүйесінің жұмысы сарапталып, талданып отырады.
