2015 жылғы республикалық бюджет макроэкономикалық көрсеткіштерге негізделген

«Әлемдік экономикадағы жағдайды есептей отырып, қазақстандық экономика салаларының қорытындысы мен тауарлық нарықтарындағы жағдайды ескере отырып ҚР Үкіметі 2015 жылға макроэкономикалық көрсеткіштерді нақтылады. Осы жылы мұнайға деген әлемдік төмен баға сақталады. Қаңтар-қазан айларындағы орташа баға барреліне 54,6 долларды құрады.Бүгінде «Brent» маркасының бағасы 44,6 АҚШ долларына дейін түсті. Макроэкономикалық көрсеткіш бойынша есептесек, 2015 жылы баррелі 50 АҚШ доллары бағасында сақталады», - деді министр.

Макроэкономикалық көрсеткіштердің алдын ала жоспары бойынша 2015 жылдың республикалық бюджеті нақтыланды.

«Республикалық бюджеттің кірістері 2015 жылы 3 174,2 млрд теңгені құрады, ол бекітілген жоспардан 45,8 млрд теңгеге төмен. Республикалық бюджеттің 2015 жылғы шығыны 7179,2 млрд теңге көлемінде жоспарлануда», - деді ол.

Бюджетке жалпы түсімнің төмендеуі 66,5 млрд теңгені құрады, оның ішінде макроэкономикалық көрсеткіштерді түзету қорытындысында түсімдердің 38,3 млрд теңге көлемінде есептегенде Ұлттық қордың мақсатты трансферті 28,2 млрд теңгеге қысқарды.

38,3 млрд теңге түсімі кезінде шығындарды қысқару қарастырылған, қысқартылған қаржы әлеуметтік міндетке әсер етпейді.

Индира Кауметова