2016 жылы Қазақстанда тек қана отандық өнім сататын дүкендер желісі ашылады

«Ендігі жылдан бастап еліміздің өңірлерінде 22 «Халық маркасы» атты супермаркеттер ашылады. Ол дүкендерде тек қана өзімізде өндірілген, қазақстандық өндірушілердің ғана брендтері сатылымға шығарылады» - деді Р.Тәжібаева.

Ол атап өткендей, аталмыш супермаркеттердің ашылуы барлық өнім өндірушілеріне өз өнімдерін елдің барлық өңірінде таныстыруға мүмкіндік береді.

Оның айтуынша, бұл үлкен жетістік деп ойлаймын. Өйткені, көптеген компаниялар өз өнімдерін еліміздің басқа өңірлеріне шығаруға мүмкіндіктері тым аз болуда.

«Ал «Халық маркасы» супермаркеттері арқылы мәселен, еліміздің батысындағы компаниялар өз өнімдерін оңтүстікке, оңтүстіктегі компаниялар батыс пен солтүстікке сатылымға шығара алады», - деді Р.Тәжібаева.  

Айта кетейік, жыл басында Елбасының бастамасымен барлық республика бойынша «Қазақстанда жасалған» акциясы басталған болатын. Қазіргі таңда жылдың соңына дейын 27 кәсіпорын  «Халык Маркасы» таңбасымен өз   өнімдерін таңбалап шығарады.

Индира Кауметова