ҚР-да барлауға арналған оңайлатылған тәртіпте жер қойнауын пайдалану құқығын алуға өтініш беру басталды
ҚР Инвестициялар және даму министрлігі «Жер қойнауы және жер қойнауын пайдалану туралы» ҚР Заңында алғашқы геологиялық барлауға инвесторлардың қосылуын тарту үшін австралия үлгісінің аналогы бойынша жер қойнауының аз зерттелген учаскелерін барлау үшін жер қойнауын пайдалану құқығын ұсынудың оңайлатылған тәртібі енгізілді.
Пилоттық жоба ретінде жаңа орнын анықтау үшін тиісті рәсімдерді өткізуге арналған перспективалық болып табылатын Степногорск қаласының ауданы белгіленді. Мұнан былай басқа да аз зерттелген Қазақстан аумақтары қамтылады.
«Жер қойнауы және жер қойнауын пайдалану туралы» ҚР Заңының талаптарына сәйкес өтініш беруші барлау үшін оңайлатылған тәртіппен жер қойнауын пайдалану құқығын алу үшін өтінім жібереді.
Барлау үшін оңайлатылған тәртіппен берілетін жер қойнауы учаскесі он блоктан аспауға тиіс, олардың әрқайсысы координаттардың географиялық жүйесінде бір минутқа тең.
