Мемқызметкерлер, депутаттар мен судьялар өздерінің кірістері мен шығындары жариялайтын болады
«Қаржылық бақылаудың шаралары күшетйілді. Егер осыған дейін мемлекеттік қызметкерлер мен квазимемлекеттік сектор қызметкерлері өздерінің кірістерін ғана жарияласа, қазір декларацияларда шығындары туралы да айтады. Оның ішінде «А» корпусының мемлекеттік қызметкерлері, Парламент депутаттары, судьялар өздерінің кірістері мен шығыстары туралы айтады», - деді Нұрлан Ермекбаев.
Оның айтуынша, заң жемқорлыққа қарсы мониторинг институтын енгізуді қарастырады.
Сондай-ақ, жаңа заң бойынша жеке секторда жемқорлық туралы ескертуге бағытталған нормалар қарастырылған. 2016 жылдың 1 қаңтарынан бастап қоғамдық қызмет пен ақпаратқа қол жеткізу туралы заңдар енгізіледі.
Н.Ермекбаев атап өткендей, Қазақстанда аталмыш бағыттағы жұмыста халықаралық ынтымақтастық маңызды.
