ҚР-да 2010-2014 жылдар аралығында картоп өнімділігі шамамен 29%-ға артты

2010 жылы ол 1 гектардан 143 центнер құраған, ал 2014 жылы 1 гектардан   184,3 центнерге дейін жетті.

Аталмыш көкөніс өнімділігінің өсімі фермерлердің картоп өсіру бойынша жаңа технологияларды қолдануымен, ауыл шаруашылық техникасын жаңартуымен, суару жүйесін тиімді қолдануды арттыруымен (Қазақстанның оңтүстік өңірлері үшін), ауыл шаруашылығында тыңайтқыштарды тиімді қолдануымен, тұқымдардың барынша мұқият таңдап алынуымен байланысты. 

Хабарда айтылғандай, картоп өнімділігі бойынша Павлодар, Қарағанды және Жамбыл облыстары көш бастап тұр. Мәселен, павлодарлық картоп өсірушілердің өнімділігі 2014 жылы әр гектардан 240,1 центнерді құрады, бұл орташа республикалық деңгейден 55,8 центнерге жоғары. «Сонымен қатар 2010-2014 жылдар аралығында картопты жалпы жинау 33,5 % артты», - делінген хабарда.  
«Қазагромаркетинг» АҚ ақпарынша, картоп өнімінің артуымен импорт көлемі де қысқарады. Ал соңғы 5 жылда экспорттың 8 есе артқаны байқалады.