Алматы облысында 10 айда 63 тұрғын үй пайдалануға берілді - әкімдік

Алматы облысында биылғы жылы құрылыс саласына 40,0 млрд. теңге бөлінген. Осы қаражат есебінен 237 нысанның құрылысы жүргізілуде. Оның ішінде биылғы жылға белгіленген 173 нысанның 122-сі пайдалануға берілді.

М.Нүсіпбаевтың мәліметіне сүйенсек, жалпы облыста білім саласының 43 нысанының құрылысы мен жаңғырту жұмыстарына бюджеттен 17 млрд. 523 млн. теңге, ал денсаулық сақтау нысандарына 4 млрд. 969 млн. теңге қарастырылған.

Сонымен қатар биылғы жылдың 10 айында жалпы алаңы 36,77 мың шаршы метр болатын 62 тұрғын үй салынып, пайдалануға берілген.