ҚР Ұлттық банк бағамның қалыптасуына қатысуын шектейді

«2015 жылдың 5 қарашасынан бастап Ұлттық банк валюталық нарыққа қатысуын тоқтатты. Біз сұраныс пен ұсыныстың өз балансын табуға мүмкіндік береміз. Аталмыш саясат алтын валюта қоры мен отандық тауар өндірушілерінің бәсекелестігін арттырады», - деді ол.

 «Қазіргі уақытта валютаға деген ұсыныс пен сұраныс теңесті. Енді валютаны алып-сатарлар азаятын болады. Валютаны айырбастап, курс арқылы пайда табу мүмкін болмайды. Қазіргі уақытта валюта саясаты тұрақтанды», - деді Д.Ақышев.

Ұлттық банк төрағасы теңге бағамының тұрақтылығына әсер еткен факторларға тоқталып өтті.

«Теңгенің бағамына мұнай бағасының өзгеруі мен көрші елдердегі экономикалық жағдайлар әсер етіп отыр. Қазіргі уақытта Ұлттық банк валюта тұрақтылығын сақтап қалуға күш салуда. Мемлекет басшысы осы мәселе бойынша жұмыс атқаруға тапсырма берген болатын. Бұл тапсырмаларды орындауға бар мүмкіндікті пайдаланамыз. Қазіргі уақытта ақша-кредит саясатын бір қалыпқа келтіруді қолға алдық», - деп түйіндеді Д.Талғатұлы.

Анар Тәңірқұлова