Ұлттық банк 2016 жылы инфляция көлемі 6-8% дәлізінде болуы үшін шаралар кешенін жүргізеді

18 Қараша, 2015 18:57

2016 жылы инфляция көлемі 6-8% дәлізінің үстіңгі шегінде болады деп болжануда.Бұл туралы бүгін ҚР Президенті жанындағы ОКҚ-да ҚР Ұлттық банк төрағасы Данияр Ақышев мәлім етті.

Д.Ақышевтің хабарлауынша, 2015 жылдың 10 айында инфляция 8,2 пайызды құраған. Бұл жылдық есеп бойынша 9,4 пайызға жетеді.

«Осы мақсатта инфляцияның төмен деңгейін сақтап тұру үшін, ақша-несие саясаты аясында кешенді шаралар жүзеге асырылады. Оның ішінде пайыздық мөлшерлерді, теңге ликвидтілігі мен икемді айырбас бағамын реттеу мәселелері де бар», - деді Д.Ақышев.

«2015 жылдың тамыз айында инфляцияның төмендеуі ақша ұсынысының аздығынан орын алды, ол өз кезегінде несиелеу деңгейін төмендеткен. Бағаның өсуі негізінен қазан айында 2015 жылдың тамыз және қыркүйек айларындағы теңгенің әлсіреуінен орын алды.2016 жылы инфляция деңгейі Ұлттық банк пен Үкімет қарастырған дәліздің (6-8%) үстінгі шегінде болады деп болжануда», - дейді Д.Ақышев.

Анар Тәңірқұлова

Барлық жаңалықтар