2016 жылы білім мен ғылым саласына бюджеттен 400 млрд теңге бағытталады

«Білім және ғылым саласына 2016-2018 жылдары 1 трлн 165,4 млрд теңге бағыттау қарастырылған. 2016 жылы 399,3 млрд теңге бөлінбек», - деді министр.

Білікті мамандарды техникалық салада дайындауға министрліктің 3 жылдық уақытында бөлетін қаржысы 456,8 млрд теңгені құрайды, оның ішінде 152,3 млрд теңгесі 2016 жылы бөлінеді.

«2019 жылы ауыл шаруашылығы, техникалық, педагогикалық мамандықтар бойынша 117 мың маман оқыту жоспарланған», - деді ол.

Ведомство басшысының айтуынша, ұлттық экономика саласына ғылыми зерттеулер нәтижесінде салым түсіру көзделген.

«Үш жылдық бюджетте бұл мақсаттарға 56,8 млрд теңге бағытталды. Оның ішінде 2016 жылы 21,8 млрд теңге қаржыландырылады», - деді министр.

Ботагөз Айтжанова