Ұлттық банк негізгі мақсат ретінде ҚР азаматтарының зейнетақы түсімін сақтауды санайды

«Ұлттық банк жағдайды тұрақтандыру үшін ақшалай нарықтағы пайыздық салымдардың дәлізін қолдау қызметінен бас тартты. Біз нарықта жасанды белсенділік танытқандарға қолдау көрсетуден бас тартып, қысқамерзімді банктерге қолдау көрсетуді күшейтудеміз», - деді Д.Ақышев.

Осыған дейін Ұлттық банк төрағасы Ақордада өткен Үкіметтің кеңейтілген отырысында Ұлттық банк дәрежесін халық алдында көтеру үшін шаралар ұйымдастырылатынын айтқан болатын.

«Теңгеге деген сенімді қайта орнықтыру турасында айтар болсам. Меніңше, ең алдымен біз Ұлттық банкке деген сенімді қайта орнықтырудан бастауымыз қажет. Бұл бағыттағы алғашқы міндетіміз – ақпараттық саясатты жүзеге асыру. Бұл біздің қоғамға ашықтығымыз, валюта бағамына, инфляция мен біздің іс-әрекетімізге ықпалын тигізетін барлық факторды түсіндіруге дайындығымыз. Біз жұмысымызды парламентте, үкіметте, бұқаралық ақпарат құралдарында барынша көрсетуді жоспарлап отырмыз. Мен, менің орынбасарларым, бөлімшелердің басшылығы БАҚ-пен тығыз қарым-қатынас орнатып, қоғамға болып жатқан жайды түсіндіреді», - деді Д.Ақышев.

Ұлттық банк басшысының айтуынша, долларсыздандыру халық есебінен жүзеге асырылмауы тиіс.