Е.Жұмабаев: Мемлекет тек шын мәнінде мұқтаж жандарға ғана әлеуметтік көмек көрсетеді
«Биліктің заң шығарушы тармағы мен өңірдің мемлекттік басқару органдары арасындағы өзара біріккен жұмыс өңірлердің бұдан әрі әлеуметтік-экономикалық дамуына жағдай жасайды», - деп мәлімдеді ҚР Парламенті Сенатының депутаты, «Өңір» депутаттық тобының жетекшісі Ермек Жұмабаев.
Сенатордың айтуынша, «Қазақстан-2050» Стратегиясы: Қалыптасқан мемлекттің жаңа саяси бағыты» Президенттің Қазақстан халқына жолдауында Елбасы әлеуметтік саясаттың жаңа тұжырымдарын айтты. Атап айтар болсақ, әлеуметтік кепілдендіру мен жеке жауапкершілік. Мемлекет басшысы елдің әлеуметтік саясатын өзгертіп, оны барынша тиімді етуді ұсынды.
«Экономика деңгейінің өсуіне байланысты өмір сүру сапасы кезең-кезеңімен артып, азаматтарға ең төменгі әлеуметтік стандарттар мен кепілдемелер заң жүзінде орнатылады. Осылайша мемлекет тек қана шын мәнінде мұқтаж жандарға ғана әлеуметтік қолдау білдіреді. Атап айтар болсақ, олардың ішіне зейнеткерлер, мүгедектер, еңбекке жарамсыз жандар, науқас балалар мен өзге де әлеуметтік әлсіз жандар кіреді. Ал жұмыссыздарға әлеуметтік көмек тек қайта маманданған жағдайда ғана көрсетілмек», - дейді Е.Жұмабаев.
