Қазақстанда ТКШ-ның 256 км желісі жаңғыртылғаннан кейін 700 мың адам сапалы қызметке қол жеткізеді – министр
18 Қараша, 2015 14:09
Қазақстанда 2015-2016 жылдары ТКШ-ы жаңғырту бойынша 256 км желіні қайта қалпына келтіру қарастырылған, бұл ретте 700 мың адам әлеуметтік жағдайын жақсартады, деп хабарлады ҚР ұлттық экономика министрі Ерболат Досаев Ақордадағы Үкіметтің кеңейтілген отырысында.
«Бізде 2015-2016 жылдары ТКШ- жаңғырту бойынша 256 км желі қарастырылған, оның ішінде 151-і пайдалануға енгізілді және жыл соңына дейін тағы 50 км жоспар бойынша қаржыландырылады. Ал, қалған аймақтардағы 4 жоба келер жылдың бірінші жарты жылдығында пайдаланылуға беріледі», - деп мәлімдеді министр
Өз кезегінде, Президент қанша адам сапалы қызметке қол жеткізетінін және қанша қаржы үнемделетінін сұрады.
Бұл ретте, ҰЭМ басшысы ТКШ-ның 256 км желісі жаңғыртылғаннан кейін 700 мың адам сапалы қызметке қол жеткізетінін хабарлады.
Мемлекет басшысы атап өткендей, ТКШ саласындағы жұмыстар көзге көріне бермейді, алайда оған аса үлкен жауапкершілікпен қараған жөн. Себебі, аталмыш құрылым Қазақстан халқының әлеуметтік жағдайына әсер етеді.
Индира Кауметова
