Н.Назарбаев ҚР-ның шетелдегі дипломатиялық өкілдіктерін сынға алды

«Сыртқы істер министрлігі онсыз да осымен айналысуы тиіс. Біз әлемдік саясат пен дипломатияны айқындайтын держава емеспіз. Қазақстанның мүддесі бар елде  ғана Елшілік қажет», - деді ҚР Президенті.

Елбасы өз сөзінде елімізге инвестиция тарту мәселесімен айналысатын бір адам болуы керектігін, қажет болса, оған арнайы мәртебе беру қажеттігін атап өтті. Осы орайда ол Инвестициялар және даму министрі Әсет Исекешевке қарата айтты.

«Ресми сапарлар барысында  бізге жасалған сапарларға, бизнес-форумдарға, бизнес капитандарымен кездесуге, әлемнің ірі бизнесмендерімен жеке кездесулеріме қатыстың. Олардың барлығы да қызығушылық танытып, жұмыс істейтін нақты нысандарын атады.  Бүгінгі шынайы өмірде мұндай мүмкіншілік ешкімде жоқ. Әлемде ақша көп, оларды алу, тарту, қызықтыра білу қажет. Үкіметтің бар шеберлігі, біздің кадрлардың біліктілігі мен құзыреттілігі дәл осымен түйіндесуі тиіс», - деді Елбасы.

Айта кетейік,Елбасы  Үкімет мүшелеріне  инвестиция тартуда икемділік таныту қажеттігін  айтқан болатын.