• Басты
  • Мина іздеу иттерін дайындау пилоттық жобасы өз тиімділігін көрсетті (ФОТО)
19 Қараша, 2015 09:36

Мина іздеу иттерін дайындау пилоттық жобасы өз тиімділігін көрсетті (ФОТО)

Қазақстан Құрлық әскерлерінің әскери бөлімдері базасында әскери қызметшілер инженерлік-саперлік полктарға арналған 7 мина іздестіру иттерін дайындады, деп хабарлады Қорғаныс министрлігі.
Мина іздеу иттерін дайындау пилоттық жобасы өз тиімділігін көрсетті (ФОТО)

 Дайындық 58012, 54770, 75263 және 68665 әскери бөлімдерінің оқу-жаттығу полигондарында жүргізілді. Қызметтік иттер барлық қажетті айла-тәсілдерге үйретілді, арнайы дайындықтан өтіп, қызмет етуге әзір. Құрлық әскерлері үшін қызметтік иттерді дайындау пилоттық жоба болып табылады.

Алайда, әскери қызметшілер осы бағытта жұмысты жалғастыруға және ұдайы негізде төрт аяқты көмекшілерді дайындауға әзір. Нұсқаушылардың айтуы бойынша мина іздестіру иттері инженерлік-саперлік полктардың қажетті кәсіби бірлігі. Жарылғыш затты табуда иттің иіс сезгіштігі механикалық аспаптарға қарағанда анағұрлым кәсіби және дәлірек болып келеді. Қызметтік тапсырмаларды орындау үшін негізінен «неміс овчаркасы» іріктелініп алынады.

Оларды үйрету қиындық туғызбайды, ақылды және тапқыр болып келеді. Жалпы алғанда, мина іздестіру иті шамамен 5-7 жыл қызмет етеді, алғашқы 1,5 жыл жаттықтыруға кетеді. Төрт аяқты «жауынгерлер» «Айбалта-2015» оқу-жаттығуында алғашқы кәсіби тексерістен өткенін айта кеткен жөн. Олар мина-жарылғыш құрылғыларды іздеу бойынша іс-шараларға қатысты.  


 

Барлық жаңалықтар