Н.Назарбаев Инвестициялар және даму министрлігіне инвестициялар тарту бойынша жұмысты нығайтуды тапсырды

«Әлемде ақша көп, оларды алу, тарту, қызықтыра білу қажет. Үкіметтің бар шеберлігі, біздің кадрлардың біліктілігі мен құзыреттілігі дәл осымен түйіндесуі тиіс», - деді Елбасы Инвестициялар және даму министрі Ә.Исекешевке қарата.

Елбасы  ҚХР, Лондон, Парижден бастап  барлық сапарларында  бизнес-форумдарға, бизнес капитандарымен кездесуге, әлемнің ірі бизнесмендерімен жеке кездесулерге қатысқандығын атады.Олардың барлығы да қызығушылық танытып, жұмыс істейтін нақты нысандарын атады. 

 «Сондықтан да маған біздерде бұл инвестицияларды үйлестіретін бір адам бар ма екен деген ой келеді. Келген инвестор Үкіметтегі нақты бір адамға жолығып, ал ол адам оған қажетті барлық есіктерді ашып беруі қажет», - деді ҚР Президенті.

Айта кетейік, соңғы бірнеше айда Астанада Қазақстан-Украина, Қазақстан-Жапония, Қазақстан-БАӘ бизнес форумдары өтті.