• Басты
  • Е.Досаев: «Нұрлы жол» бағдарламасының нысандарында 109 мың адам жұмыс істейді
18 Қараша, 2015 12:43

Е.Досаев: «Нұрлы жол» бағдарламасының нысандарында 109 мың адам жұмыс істейді

Статистикалық мәліметтер бойынша «Нұрлы жол» бағдарламасының нысандарында 109 мың адам жұмыс істейді. «Нұрлы жол» қорытындысы бойынша 250 мың жұмыс орны құрылды, оның құрамына тұрақты және құрылысқа қатысып жатқандар да енеді, деді Үкіметтің кеңейтілген отырысында Ұлттық экономика министрі Е.Досаев.
Е.Досаев: «Нұрлы жол» бағдарламасының нысандарында 109 мың адам  жұмыс істейді

«Астанадағы терминалдың құрылысы барынша жүзеге асырылуда, ол үшін 29 млрд теңге бөлінді. Олар «Самұрық-Қазына» капиталына құйылды. Жыл соңына дейін 7,5 млрд теңге игеріледі. Кесте бойынша 2016 жылдың 1 тоқсанында 9 млрд теңге игеріледі», - деді министр.

«Бәйтерек» ҰБХ» АҚ бөлген қаржыны айтатын болсақ, бүгінде 277,5 млрд тегенің 10 ай ішінде 174,8 млрд теңгесі игерілді.

«Жыл соңына дейін 66,2 пайызы игеріледі. 2016 жылдың бірінші тоқсанында 36,5 млрд теңге игеріледі. Жалға беру пәтері бойынша 92,5 млрд теңге бөлінді, жұмыс басында 17 млрд теңге игерілуі тиіс, алдын ала болжамдар бойынша ол наурыз айында игерілмек», - деді министр.

Оның айтуынша, «Нұрлы жол» мемлекеттік бағдарламаларын қаржыландыру аясында бюджеттік әкімшілендіру арқылы барлық қаржы игерілді.

«Статистикалық мәліметтер бойынша «Нұрлы жол» бағдарламасының нысандарында 109 мың адам жұмыс істейді. «Нұрлы жол» қорытындысы бойынша 250 мың жұмыс орны құрылды, оның құрамына тұрақты және құрылысқа қатысып жатқандар да енеді», - деді министр.

Ботагөз Айтжанова

Барлық жаңалықтар
18.213.192.104, 192.168.88.100