Ә.Исекешев: Бағам айырмашылығы есебінен Қазақстан жаңа көлік жобалары үшін 700 млрд теңге үнемдеді
18 Қараша, 2015 12:37
Бағам айырмашылығы есебінен Қазақстан халықаралық қаржы институттарының займдарынан 700 млрд теңге үнемдеді және оны жаңа көлік жобаларына бағыттайды, деп хабарлады ҚР инвестициялар және даму министрі Әсет Исекешев Ақордада Мемлекет басшысының қатысуымен өтіп жатқан Үкіметтің кеңейтілген отырысында.
«Халықаралық қаржы институты Қытайдың Эксимбанкінен алынған 8 млрд доллар займнан бағам айырмашылығына байланысты 700 млрд теңге үнемделді, енді қомақты қаржыны жалпы ұзындығы 1200 км асатын жаңа жобаларға бағыттауға болады. Нақты жобалар тізімі талқылауға ұсынылады», - деді министр.
Бұдан басқа, Ә. Исекешев хабарлағандай, Қазақстанның 2016 жылғы жобаларға Қытайдың Эксмимбанкінен тартып отырған 2,6 млрд доллар көлеміндегі займы жалпы ұзындығы 1,5 мың км-дан асатын жобаларға бағытталады.
