2016 жылдан бастап ХҚИ-дан алған займдар есебінен жалпы ұзындығын 3 мың\км жолдың құрылысы басталады

18 Қараша, 2015 12:21

2016 жылдан бастап ХҚИ-дан алған займдар есебінен жалпы ұзындығын 3 мың\км «Орталық-Оңтүстік» және «Орталық-Батыс» жобаларының құрылысы басталады, деп хабарлады ҚР инвестициялар және даму министрі Әсет Исекешев Ақордада Мемлекет басшысының қатысуымен өтіп жатқан Үкіметтің кеңейтілген отырысында.

«2016 жылға қарай «Батыс Қытай» жолдары: Бейнеу - Ақтау, Астана - Теміртау, Алматы - Қапшағай, Астана – Петропавлды аяқтау көзделуде. Жобаны уақытылы жүзеге асыру бойынша халықаралық қаржы иснтитуттарынан 5,5 млрд теңге көлемінде займ тарту жұмыстары жүргізілуде. Аталмыш қаржы есебінен келер жылдан бастап «Орталық-Оңтүстік» жобасы - Қарағандыдан Балқашқа дейін, «Орталық-Батыс» жобасы - Астана - Ақтөбе - Атырау - Астрахань, Ұзынағаш - Отар - Жетібай - Жаңаозен жолдарының құрылысы басталады. Олардың жалпы ұзындығы 3 мың км-дан асады», - деп мәлімдеді министр.

«Бағдарламаның инрфақұрылымдық жобалары кең ауқымда жүзеге асырылуда, көлік жобалары бойынша 100 мыңнан астам адам тартылған», - деді министр

Сонымен қатар, ведомство басшысы атап өткендей, ағымдағы жылы автомобиль жолдарын дамытуға, яғни 2 мың км-дан астам жолды қамту үшін 302 млрд теңге бөлінді және қомақты қаржы уақытылы игерілетін болады.

Естеріңізге сала кетейік, Ақордада Мемлекет басшысы Нұрсұлтан Назарбаевтың қатысуымен Үкіметтің кеңейтілген отырысы өтуде. Келелі отырыста 2015 жылдың әлеуметтік-экономикалық аралық қорытындылары шығарылып, әлемдік экономикадағы дағдарыстық үрдістер ескеріле отырып алдағы кезеңге арналған негізгі жоспарлар қаралатын болады.

Индира Кауметова

Барлық жаңалықтар