• Басты
  • Е. Досаев: Қазақстан экономикасының биылғы 10 айдағы өсімі 1 пайызға өсті
18 Қараша, 2015 11:56

Е. Досаев: Қазақстан экономикасының биылғы 10 айдағы өсімі 1 пайызға өсті

Қазақстан экономикасының 10 айдағы өсімі 1 пайызға өсті . Бұл туралы бүгін Ақордада Мемлекет басшысы Нұрсұлтан Назарбаевтың төрағалығымен өтіп жатқан Үкіметтің кеңейтілген отырысында ҚР Ұлттық экономика министрі Ерболат Досаев мәлім етті.
Е. Досаев: Қазақстан экономикасының биылғы 10 айдағы өсімі 1 пайызға  өсті

Жалпы, министр атап өткендей, Қазақстан экономикасы осы жылы әлемдік экономика бәсеңдеуі мен негізгі шикізаттық тауарына сұраныс жағдайында дамуда.

Биылғы 10 айдағы еліміздің әлеуметтік-экономикалық дамуының алдын ала нәтижесіне тоқталған министр: «Қабылданған  инфрақұрылымдық дамудың «Нұрлы жол» мемлекеттік бағдарламасының арқасында және 2015-2016  жылдарға арналған Үкіметтің шұғыл шаралары жоспары аясында Қазақстан экономикасының 10 айдағы өсімі 1 пайызды құрады»,-деді.

Оның сөзіне қарағанда, тау-кен өндіру өнеркәсібінде өндіріс көлемінің 2,2 пайызға төмендеуі салдарынан  өнеркәсіптік өндіріс 1,3 пайызға азайды. Өңдеуші өнеркәсіп 0,5 пайыз деңгейінде тұрақты өсімді көрсетіп отыр.

Сонымен қатар ол жоспарланған деңгейден мұнай өндіру көлемінің 1,5 млн. тоннаға төмендеуі ЖІӨ-ге кері әсерін тигізетінін жеткізді. Инвестициялық капитал биыл 3,8 пайызға өскен көрінеді, бірінші кезекте ол «Нұрлы жол» мемлекеттік бағдарламасы аясындағы инвестициялық бағдарламаның арқасында артты.

Қазақстанның экспорттық тауарына бағаның түсуі негізінде экспорт 42,5 пайызға, импорт 23,8 пайызға қысқарды.

 

 

 

Барлық жаңалықтар