ЕЭК ЕАЭО-дағы макроэкономикалық жағдайды жақсарту бойынша шараларды мақұлдады
18 Қараша, 2015 09:31
Еуразиялық экономикалық комиссияның коллегия отырысында интеграция, макроэкономика, сауда, кедендік ынтымақтастық салаларындағы мәселелер қаралды, деп хабарлады ЕЭК.
ЕЭК Коллегиясы Еуразиялық экономикалық одаққа (ЕАЭО) мүше мемлекеттердің экономикалық тұрақтылығын арттыру бойынша интеграциялық шараларды мақұлдады.
Мұндай шешім ЕЭК-тың интеграция мен макроэкономиканың негізгі бағыттары бойынша Коллегия мүшесі (министр) Татьяна Валованың «Еуразиялық экономикалық одаққа (ЕАЭО) мүше мемлекеттердің экономикалық тұрақтылығын арттыру бойынша интеграциялық шаралар» атты баяндамасына негізделе отырып қабылданды.
Құжат Еуразиялық үкіметаралық кеңестің тапсырысымен әзірленді.
Баяндамада макроэкономикалық тұрақтылықты аймақтар бойынша қамтамасыз ету механизмдері, оның ішінде макроэкономикалық және валюталық-қаржы саясаты салаларындағы ынтымақтастықты тереңдету механимздері көрсетілген.
