• Басты
  • А.Сәтқалиев: Қазақстанда 5 жыл ішінде күл қалдықтарының көлемі үш есе төмендеді
17 Қараша, 2015 17:31

А.Сәтқалиев: Қазақстанда 5 жыл ішінде күл қалдықтарының көлемі үш есе төмендеді

Электр станцияларды қайта құру және жаңғырту нәтижесінде 2009 бен 2015 жылдар аралығында Қазақстанның ірі станцияларындағы күл қалдықтарының көлемі үш есе төмендеді, деп хабарлады «Самұрық-Энерго» АҚ басқарма төрағасы Алмасадам Сәтқалиев ОКҚ-да.
А.Сәтқалиев: Қазақстанда 5 жыл ішінде күл қалдықтарының көлемі үш есе төмендеді

Оның айтуынша, 2009-2015 жылдар аралығында шекті тарифтер қызметінің аясында «Самұрық-Энерго» АҚ  компаниялар тобына кіретін еншілес компаниялары жаңа активтерді құру, техникалық жабдықтарды қайта қалпына келтіру, өндіріс деңгейі мен ағымдағы активтерді қолдау және табиғатты қорғау шараларына шамамен 480 млрд теңге бағыттады, оның ішінде 78,4 млрд теңге ағымдағы жылы жұмсалды. 

«Сонымен, нәтиже туралы айтатын болсақ шамамен 1500 МВт қуаттылық іске қосылды. Жаңғырту нәтижесінде бекітілген және бар қуаттылық арасындағы алшақтық 36%-ға немесе 961 МВт қысқарды.  Ал, күл қалдықтары үш есе азайды - 108-ден 36 мың тоннаға дейін. Аталмыш бағыттағы жұмыстар жалғастырылуды», - деді «Самұрық-Энерго» АҚ басшысы.  

Айта өтейік, «Самұрық-Энерго» АҚ көмірді байыту және газдандыру,  SmartGrid жүйесін интеграциялау сынды жобаларға қызығушылық танытады. 

Барлық жаңалықтар