20 отандық кәсіпорын «ТКШ – ЭКСПО-2015» көрмесінде таныстырылды (ФОТО)

17 Қараша, 2015 17:16

20 отандық кәсіпорын «ТКШ – ЭКСПО-2015» көрмесінде таныстырылды, деді «Қазақстандық ТКШ жаңғырту және дамыту» АҚ білім тарату мен насихаттау департаментінің директоры Есенбай Исламов Strategy2050.kz АА берген сұхбатында.

««ТКШ – ЭКСПО-2015» халықаралық форумы аясында бірқатар шаралар өтуде. Форумның мақсаты – энергия үнемдейтін технологияларды насихаттау – қондырғылар мен технология шығаратын отандық, шетелдік кәсіпорындарды таныстыру», - деді Е.Исламов.

Сарапшы атап өткендей, ТКШ көрмесіне Ресей, Германия, Дания, Бельгия, Оңтүстік Корея, Түркия елдері қатысты.

«Форум спикерлерінің бірі Ресейдің мемлекеттік корпорациясы – ТКШ реформалау қорының төрағасы болып есептеледі. Аталмыш ұйым үлкен тәжірибеге ие. Форум аяқталсымен өзара ынтымақтастық туралы меморандум түзуді жоспарлап отырмыз. Құжат инновациялық даму мен ТКШ саласына инвестиция тартуға бағытталады», - деді ол.

Ұйымдастырушының айтуынша, «ТКШ-ЭКсПО-2015» көрмесінде 103 компания қатысты, оның 20-сы отандық кәсіпорындар.

«Қазақстандық ТКШ тауар өндіруші сектор реестріне 42 кәсіпорын енеді. Олар бәсекеге қабілетті өнім шығарады. ТКШ реформалау шетелдік және отандық тәжірибеге сүйенуі тиіс», - деді Исламов.

Ботагөз Айтжанова

Суретке түсірген Азамата Әлиев

Барлық жаңалықтар