С.Романовская: Қазақстан нарығы Ресей етімен толтырылған

5 Қараша, 2013 17:05

ҚР Парламенті Мәжілісінің заң шығару және сот-құқықтық реформа комитетінің мүшесі Светлана Романовская ҚР Президенті жанындағы Орталық коммуникациялар қызметінің брифингінде еліміздегі салалық мал шаруашылығы дамуы мен ет экспорты деңгейінің төмендігі жайлы айтты.

«Кеше Үкімет сағатында Ауыл шаруашылығы минстрі мал санағын жүргізгенде 1 млн басқа шатасып кеткенін айтты. Осындай да сөз бола ма екен, мен түсінбеймін», - деді төменгі палата депутаты.

С.Романовскаяның айтуынша, аталмыш көрсеткіштер бюджеттік қаражаттың қаншалықты тиімді жұмсалып жатқанына дәлел.

«Атырау облысында ет өңдейтін бірде бір цех жоқ. Мен олардан шұжықты қайдан сатып аласыңдар десем, олар маған «Ресейден аламыз» деп жауап береді. Демек біздің дүкен толып тұрған Ресей өнімдері. Бізде мүлде шұжық цехы жоқ деген сөз, өйткені біздің өзімізде ет жоқ. Осылайша аталмыш сала дамымай жатыр. Ол өңірде табиғат жағдай мал өсіруге қолайсыз десеңіздер, басқа да өңірлер бар ғой мал өсіретін, сол жақтан шикізатты алуға болады ғой. Халыққа сапалы, арзан, бақылауға ыңғайлы, қауіпсіз өнімдерді жасап беруге мүмкіндік бар емес пе?», - деп ашығын айтты депутат.

Естеріңізге сала кетейік, 11 қазандағы Үкіметтің кеңейтілген отырысында Мемлекет басшысы 2016 жылға қарай ет экспортын 60 мың тоннаға жеткізу мақсатында Ұлттық қордан 120 млрд теңге бөлінгенін айтты. Сонымен қатар, Елбасы 2013 жылдың 7 айында еліміздің КО елдеріне ет экспорты көлемі 0 екенін жеткізді.

Барлық жаңалықтар