Астанада ЖЭО жабдықтарын жаңғыртты

Жөндеу жұмыстары аясында ескірген жабдықтар өндіріс қуатын арттыруға және энергия шығынын азайтуға мүмкіндік беретін барынша заманауи қондырғылармен ауыстырылады.

Сөйтіп, 1-ЖЭО-да қуаты 110 Гкал  № 7 станцияның қазандық агрегаты мен қуаты 4,0 МВт № 2 станцияның  турбиналық агрегатына реконструкция жасалды. «Астанаэнергосервис» АҚ хабарлағанындай,  реконстркуция мақсаты - астана ЖЭО-ның сенімді жұмыс істеуін қамтамасыз ету және техникалық-экономикалық көрсеткіштерін жақсарту.  Жаңғыртылған турбина станцияның дұрыс жұмыс істеуін айтарлықтай арттырады және неғұрлым үнемді есептеу режимінде жұмыс жасайды. Реконструкция жасағанға дейін қазандық агрегаты  141 534 сағат жұмыс істеп, 65 Гкал/сағ. жылу жүктемесін орындап келді, ал қазір жүктеме - 110 Гкал/сағ. Жаңа қазандық жабдығының тағы бір атрықшылығы  технологиялық үдерісті автоматты басқару жүйесінің болуында. 1- ЖЭО №7 қазандық агрегатын реконструкциялау арқасында  жылу энергиясын өндіру 45 Гкал/сағ. артты. 

Бұдан бөлек, «Астана-Энергия» АҚ 2-ЖЭО-да маусым айында қуаты 120 МВт №5 станцияға турбина орнатты. Турбина іске қосылғаннан кейін 2-ЖЭО станциясының белгіленген электр қуаты 120 МВТ-ға артып, 480 МВт құрады. Турбина технологиялық үдерістерді автоматты басқару жүйесін ендіре отырып іске қосылды.

Жаңа жабдықты іске қосу 1-ЖЭО мен 2-ЖЭО-ның электр және жылу қуатын арттыруға ғана мүмкіндік беріп қоймайды, сонымен бірге астана тұрғындарын жылумен үздіксіз қамтамасыз ету үшін үнемділік пен сенімділікті айтарлықтай арттырады.