Шығармашылық кеңесті құрудың басты себебі бәсекеге қабілетті отандық өнім жасау - вице-министр

«Салалық шығармашылық кеңестің басты қызметі жоғары сападағы  бәсекеге қабілетті мәдениет және өнердің отандық өнімін жасау, отандық мәдениет ұйымдарының жұмысын үйлестіру бойынша ұсыныстар жасақтау », - деді ол.

Ғ. Ахмедияров баса айтқандай, шығармашылық кеңестің жұмысы цензураға айналмайды.

«Кеңес мәдениет саясатын үйлестіретін болады. Кеңестер бірлесіп репертуар саясатын қарастырып қана қоймай, тематикалық жоспарлар түзеді», - деп атап өтті Ғ. Ахмедияров.

Айта өтейік, «100 нақты қадам» Ұлт жоспары және «Болашағы біртұтас ұлт» институционалды реформасының стратегиялық міндеттерін орындау мақсатында кейбір заңнамалық актілеріне мәдениет және тарихи-мәдени мұра мәселелері бойынша өзгерістер мен толықтырулар енгізу туралы» заңы қабылданды.  Заңның мақсаты тарихи-мәдени мұра, цирк және театралдық өнер, мұражай және кітапхана ісі, сонымен қатар мұрағат ісі бойынша қолданыстағы заңнаманы жетілдіру болып табылады.

Индира Кауметова