Ақмола облысында БЖК-2020 аясында 8 млрд теңгенің 124 жобасы мақұлданды
17 Қараша, 2015 13:19
Ақмола облысында БЖК-2020 аясында 8 млрд теңгенің 124 жобасы мақұлданды. Бұл туралы бүгін ҚР Президенті жанындағы ОКҚ брифингінде Ақмола облысының әкімі Сергей Кулагин мəлім етті.
«Облыста 51 мыңнан астам шағын және орта бизнес субъектілері жұмыс істейді. Бұл сала жұмысқа қабілетті адамның әрбір үшіншісін жұмыспен қамтамасыз етіп отыр. Бизнестің жол картасы 2020» бағдарламасының аясында қолдау көрсету және іскери белсенділік үшін 8 млрд.теңгеден астам сомаға 124 жоба мақұлданды», - деді әкім.
Ұлттық қордан өңдеу өнеркәсібінің бизнес-жобаларын іске асыруға 1,6 миллиард теңге бөлінді.
Айта кетейік, Ақмола облысының шағын және орта кәсіпкерліктерінде жұмыспен қамтылған адам саны 123 607 адам.
Бизнестің жол картасы 2020» бағдарламасының аясында ауыл кәсіпкерлігін дамыту мақсатында 720 миллион теңге шағын кредит бөлінді.
Индира Кауметова
